TORPAQ SAHİBLƏRİNƏ EDİLƏN GÜZƏŞTLƏR GƏDƏBƏYDƏ DƏ İSTEHSALIN HƏCMİNƏ MÜSBƏT TƏSİR GÖSTƏRMİŞDİR
Gədəbəy, 30 mart (AZƏRTAC). Ötən il Gədəbəy rayonunda 3 min 266 təsərrüfat subyektinə büdcə vəsaiti hesabına 95 min 415 manat yardım edilmişdir. Nəticədə istehsalın həcmi genişlənmiş və nəzərdə tutulduğundan xeyli çox məhsul istehsal edilmişdir.
Rayon icra hakimiyyətindən verilən məlumata görə, 629 buğda istehsalçısına 23 min 313 manat əlavə yardım edilmiş, “Aqroservis” xidməti tərəfindən təsərrüfat sahiblərinə 50 faiz güzəştlə 191 ton 472 kiloqram azot, 9 ton 110 kiloqram superfosfat gübrələri satılmışdır. Nəticədə 200 min ton kartof, 1784 ton taxıl, 5 min 290 ton ət, 25 min 122 ton süd istehsal edilmişdir ki, bu da 2007-ci illə müqayisədə xeyli çoxdur.
İstehsal olunmuş məhsulların çox hissəsi Bakıda təşkil olunmuş yarmarkalarda satılmışdır.
Bölmənin digər xəbərləri
