Tramp: ABŞ-ın nüvə sınağı keçirməyən yeganə ölkə olmasını istəmirəm
Vaşinqton, 3 noyabr, AZƏRTAC
ABŞ Prezidenti Donald Tramp ölkəsinin nüvə silahlarının sınaqlarını bərpa etməsini Rusiya və Çinin nüvə sınaqları keçirməsi ilə əlaqələndirib. AZƏRTAC-ın məlumatına görə, bu barədə o, CBS-də telekanalında “60 Minutes” verilişinə müsahibəsində deyib. “Mən sınaq keçirməyən yeganə ölkə olmaq istəmirəm”, - deyə Tramp əlavə edib.
O müsahibədə Pekin və Moskvanın sınaqlarını gizli şəkildə həyata keçirdiyini bildirib.
“Rusiya və Çin sınaq keçirir, amma onlar bu barədə danışmırlar. Bilirsiniz ki, biz açıq cəmiyyətik. Biz fərqliyik. Bu barədə danışırıq”,- deyə ABŞ Prezidenti vurğulayıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
