Tramp İsraili “Hizbullah”a qarşı müharibəsinə görə tənqid edib
Vaşinqton, 16 iyun, AZƏRTAC
ABŞ Prezidenti Donald Tramp İsraili “Hizbullah”a qarşı müharibəsinə görə tənqid edib.
AZƏRTAC-ın məlumatına görə, bu barədə o, G7 sammitində Birləşmiş Ərəb Əmirliklərinin Prezidenti Mohamed bin Zayed Al Nahyan ilə görüş zamanı deyib.
"İsrail “Hizbullah”la çox uzun müddətdir mübarizə aparır və çoxlu insan öldürülür”, - deyə o bildirib.
Tramp mülki şəxslərlə dolu çoxmənzilli binaları dağıdan zərbələrə qarşı olduğunu deyib və İsraili Suriyanın “Hizbullah”a qarşı mübarizədə liderliyi ələ keçirməsinə icazə verməyə çağırdığını açıqlayıb.
"Əgər İsrail hər kəsi öldürmədən işi görə bilmirsə, Suriya bu işi görəcək”, - deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
