Triatlon üzrə Azərbaycan yığmasının lideri dünya reytinqindəki mövqeyini yaxşılaşdırıb

21.05.2018 [15:54]
Çap et
A⁺ A^-

Bakı, 21 may, AZƏRTAC

Triatlon üzrə Azərbaycan yığmasının lideri Rostislav Pevtsov dünya reytinqindəki mövqeyini yaxşılaşdırıb.

AZƏRTAC xəbər verir ki, yenilənmiş təsnifatda iki bənd yüksələn idmançı hazırda 20-ci yerdədir. R.Pevtsovun aktivində 3476,32 xal var. Qeyd edək ki, o, bu il Çenqduda (ÇXR) Dünya Kuboku yarışlarının qızıl medalını qazanıb, habelə Qran-Kanariyada Avropa Kubokunun və Şərm əş-Şeyxdə Afrika açıq çempionatının qalibi olub.

İspaniyalı Mario Mola reytinqdəki liderliyini qoruyub saxlayır, onun ardınca britaniyalı Conatan Braunli və norveçli Kristian Blümmenfeld gəlirlər.