Türkiyə Superliqası: “Fənərbağça” doğma meydanda “Alanyaspor”u məğlub edib
Bakı, 8 yanvar, AZƏRTAC
Yanvarın 7-də futbol üzrə Türkiyə çempionatının XVII turunun növbəti qarşılaşmasında “Fənərbağça” doğma meydanda “Alanyaspor”u qəbul edib.
AZƏRTAC xəbər verir ki, gərgin keçən görüşdə İstanbul təmsilçisi rəqibinə 2:1 hesabı ilə qalib gəlib. “Fənərbağça”nın qollarını Sinan Gümüş (12) və Dimitrios Pelkas (70) vurublar. Alanya klubunun heyətində isə Kouma Babakar fərqlənib.
Hazırda turnir cədvəlinə 34 xalla “Beşiktaş” başçılıq edir. Ondan 2 xal geri qalan “Fənərbağça” ikinci, 31 xal toplayan “Qaziantep” isə üçüncü pillədə qərarlaşıb.
Bölmənin digər xəbərləri
