Türkiyə XİN: Qətərlə diplomatik əlaqələrin yenidən təsis edilməsi müsbət haldır
Ankara, 6 yanvar, AZƏRTAC
Səudiyyə Ərəbistanının Əl-Ulə şəhərində keçirilən Körfəz Əməkdaşlıq Şurasının 41-ci sammitində Körfəz münaqişəsinin həlli yolunda ortaq iradənin sərgilənməsi və Qətərlə diplomatik əlaqələrin yenidən təsis edilməsinə dair açıqlama müsbət haldır.
AZƏRTAC xəbər verir ki, bu barədə Türkiyə Xarici İşlər Nazirliyindən mövzu ilə bağlı açıqlamada bildirilib.
Açıqlamada qeyd olunur: “Körfəz Əməkdaşlıq Şurasının üzvləri ilə Misir tərəfindən imzalanan Əl-Ulə Bəyannaməsinin münaqişəni birdəfəlik həll edəcəyinə ümidvarıq. Müxtəlif vasitələrlə bəyan etdiyimiz kimi Türkiyə Körfəz Əməkdaşlıq Şurasının birlik və həmrəyliyinə önəm verir. Körfəz ölkələri arasında etimadın bərpası nəticəsində Türkiyə strateji tərəfdaşı olan Körfəz Əməkdaşlıq Şurası ilə əlaqələrin inkişafı üçün səylər göstərməyə hazırdır.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
