Türkiyədə FETÖ terror təşkilatı ilə əməkdaşlıqda şübhəli bilinən 128 hərbçi saxlanılıb
İstanbul, 18 avqust, AZƏRTAC
İstanbul, Ankara və İzmir şəhərlərinin prokurorluqları tərəfindən Türkiyə Silahlı Qüvvələrinin (TSK) FETÖ terror təşkilatı ilə əməkdaşlıqda şübhəli bilinən hərbi qulluqçularının saxlanılması istiqamətində genişmiqyaslı əməliyyat keçirilib.
AZƏRTAC xəbər verir ki, ölkənin 57 vilayətində, eyni zamanda, keçirilən əməliyyatlar zamanı TSK-nın hərbi dəniz və hava qüvvələrinin 128 əməkdaşı saxlanılıb. Onların terror təşkilatının rəhbərləri ilə telefon vasitəsilə əlaqə saxladıqları iddia olunur.
Şübhəli bilinən digər şəxslərin saxlanılması istiqamətində əməliyyatlar davam etdirilir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
