Türkiyədə istehsal olunan elektrik mühərrikli traktorlar tarlalarda sınaqdan keçiriləcək
Ankara, 7 sentyabr, AZƏRTAC
Türkiyə Böyük Millət Məclisinin sədri Mustafa Şentop və Kənd Təsərrüfatı naziri Bəkir Pakdəmirli yerli istehsal olan elektrik mühərrikli traktorları növbəti dəfə sınaqdan keçiriblər.
AZƏRTAC xəbər verir ki, hökumət neft tərkibli yanacaqlara ehtiyacı azaltmaq üçün həyata keçirilən bu layihənin inkişafına xüsusi diqqət göstərir.
Nazir B.Pakdəmirli bildirib ki, bu traktorların çatışmazlıqlarını öyrənmək məqsədilə onlardan 30-40-nı qısa zamanda talalarda işə buraxılması planlaşdırılır. Bu traktorların ehtiyat hissələrinin əsas hissəsi Türkiyədə istehsal olunur.
Qeyd edək ki, traktorların akkumulyatorları 45 dəqiqə müddətində dolur və mühərrikin 7 saat çalışmasını təmin edir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
