Türkiyədə məktəblərin normal təhsilə hazırlıq vəziyyəti dəyərləndirilir
Ankara, 19 avqust, AZƏRTAC
Türkiyənin orta məktəblərində dərslərin sentyabrın 21-də normal qaydada başlaması üçün ciddi səylər göstərilir. Hazırda iki min nəfərlik heyət orta məktəblərdə normal təhsil prosesinə hazırlıq işlərini, daha hansı tədbirlərə ehtiyac duyulduğunu dəyərləndirməklə məşğuldur.
AZƏRTAC xəbər verir ki, bu fikirləri Türkiyənin Milli Təhsil naziri Ziya Səlçuq ifadə edib. Nazir bildirib ki, bütün hallarda yoluxma riskləri nəzərə alınır. Şagirdlərin tədrisdən geri qalmaması üçün bütün imkanlardan istifadə edilir. Bu məqsədlə milyonlarla dərslik məktəblilərə paylanılıb.
Nazir vurğulayıb ki, Türkiyə onlayn təhsil üçün geniş texniki imkanlara və böyük təcrübəyə malikdir.
Qeyd edək ki, Türkiyənin orta məktəblərində dərs prosesinə avqustun 31-də onlayn sistemlə başlanılacaq.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
