Türkiyədə reanimasiyada yatan koronavirus xəstələri üçün dövlət tərəfindən ödəmələr iki dəfə artırılıb
İstanbul, 4 aprel, AZƏRTAC
Türkiyədə reanimasiya şöbəsində yatan koronavirus xəstələri üçün dövlət tərəfindən xəstəxanalara edilən ödəmələr iki dəfə artırılıb.
AZƏRTAC xəbər verir ki, bu barədə ölkənin Ailə, İş və Sosial Xidmətlər naziri Zəhra Zümrüd Səlçuk bildirib.
Ölkədə koronavirusun yayılmasına qarşı aparılan qabaqlayıcı tədbirlər çərçivəsində verilən bu qərarla reanimasiya şöbəsində yatan hər xəstə üçün gündəlik 660 türk lirəsi ödəniləcək.
Nazir atılan bu yeni addımın dövlət xəstəxanalarına əlavə dəstək göstərilməsi ilə yanaşı, Ümumdünya Səhiyyə Təşkilatı tərəfindən tövsiyə olunan immun plazma terapiyasının Türkiyədə tətbiqi baxımından da vacibliyini vurğulayıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
