Türkiyədə təhsil alan azərbaycanlılar hansı təqaüd proqramlarından yararlana bilirlər?
Bakı, 20 may, Ayla Aktar, AZƏRTAC
Türkiyədə təhsil alan azərbaycanlı tələbələrin sayı bu ilin statistikasına görə təqribən 27 mindir. Bəs tələbələrimiz orada hansı təqaüd proqramlarından yararlana bilirlər?
Bu barədə AZƏRTAC-ın sualını cavablandıran Türkiyə Universitetləri Məzunları İctimai Birliyinin sədr müavini Emin Səfərov danışıb. O bildirib ki, “Yurtdışı Türkler ve Akraba Topluluklar Başkanlığı” təşkilatı tərəfindən “Türkiye Bursları” adlı təqaüd proqramı Türkiyədə bakalavr, magistratura və doktorantura üzrə təhsil alanlar üçün nəzərdə tutulmuş bir layihədir.
“Tələbələr təhsil dönəmində təhsil haqqından, yol xərcləri, yemək, yataqxana və təhsil pilləsinə müvafiq olaraq aylıq maddi təminat alırlar. Təqaüd proqramına müraciət üçün hər hansı bir spesifik kriteriya tələbi olmasa da universitetə qəbul imtahanlarında (YÖS, SAT, IB və s.) yüksək nəticə əldə etmiş tələbələr bu proqram üçün daha çox qəbul şansı əldə edirlər.
Əlavə olaraq, bir çox yüksək reytinqli özəl universitetlər də beynəlxalq qəbul və dil imtahanından yüksək nəticə əldə etmiş tələbələrə öz daxili təqaüdlərini (təhsil haqqından endirim) təklif edirlər”, - deyə E.Səfərov qeyd edib.
Bölmənin digər xəbərləri
