Türkiyədə terror aktı planlaşdıran İŞİD üzvü həbs edilib
İstanbul, 27 mart, AZƏRTAC
Türkiyənin Denizli vilayətində terror aktı planlaşdıran İŞİD üzvü həbs edilib.
AZƏRTAC xəbər verir ki, Türkiyənin təhlükəsizlik qüvvələrinə bu şəxsin terror aktı törətmək məqsədilə şəhərə gəldiyinə dair məlumat daxil olub. Bundan sonra terrorçunun saxlanılması istiqamətində xüsusi əməliyyat başladılıb. Əməliyyat nəticəsində ələ keçirilən 30 yaşlı terrorçunun ünvanında aparılan axtarış zamanı partlayıcı maddə ilə yanaşı İŞİD-ə aid çox sayda rəqəmsal və maddi material da aşkarlanaraq müsadirə edilib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
