Türkiyəli alim Botanika İnstitutunda aparılan elmi-tədqiqat işləri ilə tanış olub
Bakı, 4 iyun, AZƏRTAC
Türkiyənin Ege Universitetinin botanika departamentinin nümayəndəsi, professor Münir Öztürk Azərbaycan Milli Elmlər Akademiyasının (AMEA) Botanika İnstitutunun direktoru, akademik Validə Əlizadə ilə görüşüb.
İnstitutdan AZƏRTAC-a bildiriblər ki, görüşdə V.Əlizadə rəhbərlik etdiyi qurumun elmi-tədqiqat istiqamətləri, beynəlxalq əlaqələri haqqında məlumat verib. Görüşdə əməkdaşlıq əlaqələrinin qurulması perspektivləri müzakirə olunub.
Bitki müxtəlifliyi üzrə aparılan elmi-tədqiqat işləri ilə tanış olan qonaq əməkdaşlıq imkanlarını yüksək qiymətləndirib, qarşılıqlı kadr və təcrübə mübadiləsi imkanlarının olduğunu vurğulayıb.
Bölmənin digər xəbərləri
