Türkiyənin Alanya Universitetində Xocalı soyqırımı qurbanlarının xatirəsi anılıb
Alanya, 2 mart, AZƏRTAC
Türkiyənin Alanya Universitetində (TAU) Xocalı soyqırımının 26-cı ildönümü ilə bağlı konfrans keçirilib.
AZƏRTAC xəbər verir ki, Xocalı soyqırımı qurbanlarının xatirəsi bir dəqiqəlik sükutla yad edildikdən sonra Azərbaycanın və Türkiyənin dövlət himnləri səsləndirilib.
Azərbaycanın Ankaradakı səfirliyinin təhsil üzrə müşaviri Nəcibə Nəsibova və professor Timuçin Kodaman çıxış edərək Xocalı soyqırımının dəhşətlərindən bəhs ediblər. Bildirilib ki, tarixin bütün dövrlərində olduğu kimi, indi də düşmən qüvvələr təcavüzkar Ermənistan və dünyadakı erməni millətçilərinin vasitəsilə ölkələrimizə və xalqlarımıza qarşı problem yaratmaqdadırlar.
Konfransda təhsil ocağının kollektivi, o cümlədən xarici tələbələr iştirak ediblər.
Sonda “Xocalıya ədalət!” filmi nümayiş olunub.
Sabir Şahtaxtı
AZƏRTAC-ın xüsusi müxbiri
Alanya
Bölmənin digər xəbərləri
