Türkiyənin Manisa Böyükşəhər Bələdiyyəsinə yeni sədr seçilib
İstanbul, 16 iyun, Günel Karatepe, AZƏRTAC
Türkiyənin Manisa Böyükşəhər Bələdiyyəsinin yeni sədri məlum olub. Bu vəzifəyə Manisanın Akhisar rayonu bələdiyyəsinin başçısı Besim Dutlulu seçilib.
AZƏRTAC xəbər verir ki, bu gün keçirilən növbədənkənar səsvermə nəticəsində ölkənin müxalif Cümhuriyyət Xalq Partiyasının (CHP) namizədi Besim Dutlulu bu vəzifəyə təyin edilib.
Hakim Ədalət və İnkişaf Partiyasının (AK Parti) bu vəzifəyə namizəd çıxarmamaq qərarı və Cumhur İttifaqının dəstəyi ilə səsvermə ilk mərhələdə yekunlaşıb.
Xatırladaq ki, bir neçə gün əvvəl elektrik cərəyanı vurması səbəbindən xəstəxanaya yerləşdirilən Manisa Böyükşəhər Bələdiyyəsinin sədri Ferdi Zeyrek bütün müdaxilələrə baxmayaraq, xəstəxanada vəfat edib.
Bölmənin digər xəbərləri
