Türkiyənin şərqində qarın hündürlüyü beş metri keçib
Ankara, 8 fevral, AZƏRTAC
Anadolu coğrafiyasında mürəkkəb hava şəraiti Türkiyənin bəzi bölgələrində təsərrüfatın idarə olunmasında ciddi çətinliklər yaradıb.
AZƏRTAC xəbər verir ki, ölkənin şərqində yerləşən bəzi bölgələrdə, o cümlədən Muş, Şırnak və Bitlis vilayətlərindəki dağlıq ərazilərdə qarın hündürlüyü beş metri keçib. Yolları qardan təmizləmək böyük problemə çevrilib. Ağır texnika, eləcə də ekskavator və traktorlar belə yolları aça bilmir. Çox sayda kəndlə gediş-gəliş əlaqəsi kəsilib. Qar və güclü külək elektrik xətlərini davamlı olaraq zədələyir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
