Türkiyənin xarici işlər naziri Çinə rəsmi səfər edəcək
İstanbul, 2 iyun, Günel Karatepe, AZƏRTAC
Türkiyənin xarici işlər naziri Hakan Fidan iyunun 3-də Çin Xalq Respublikasına rəsmi səfər edəcək.
AZƏRTAC xəbər verir ki, bu barədə Türkiyənin Xarici İşlər Nazirliyindən (XİN) bildirilib.
Məlumata əsasən, səfər Çinin XİN rəhbəri Van İnin dəvəti əsasında baş tutacaq.
Səfər çərçivəsində keçiriləcək görüşlərdə ikitərəfli münasibətlərin müzakirəsi, eləcə də aktual regional və beynəlxalq məsələlər ətrafında fikir mübadiləsinin aparılması gözlənilir.
Səfər iyunun 5-dək davam edəcək.
Bölmənin digər xəbərləri
