Türkmənistan Gürcüstana aviasiya yanacağı ixrac edən əsas ölkələrdəndir
Aşqabad, 7 yanvar, AZƏRTAC
Türkmənistan Gürcüstana aviasiya yanacağı ixrac edən əsas ölkələrdən biridir.
AZƏRTAC xəbər verir ki, ötən ilin 11 ay ərzində bu ölkəyə 40 min tondan çox reaktiv yanacaq ixrac edilib, bu da Gürcüstanın aviakerosin idxalının ümumi həcminin 80 faizini təşkil edir.
Qeyd edək ki, Türkmənistan artıq bir neçə ildir Gürcüstana aviasiya yanacağının əsas ixracatçılarının siyahısında qərarlaşıb.
Türkmənbaşı kompleksinin neft emalı zavodlarının istehsal etdiyi başqa neft məhsullarına da tələbat böyükdür. Məsələn, Türkmənistan tərəfindən yanvar-noyabr aylarında Gürcüstan bazarına 93 mindən çox avtomobil benzini və dizel yanacağı daxil olub.
Xatırladaq ki, 2020-ci ilin fevral ayında Gürcüstan və Azərbaycan dəmir yolu şirkətləri Türkmənistandan neft məhsullarının noyabr ayına qədər qüvvədə olacaq güzəştli tariflərlə mövsümi tranzit daşınmasına dair saziş imzalamışdı.
İlahə Əhmədova
AZƏRTAC-ın xüsusi müxbiri
Aşqabad
Bölmənin digər xəbərləri
