U-10 Liqası: “Keşlə” birinci yeri tutub
Bakı, 22 may, AZƏRTAC
Bayıl stadionunda AFFA-nın U-10 Liqasının 2017/2018-ci il mövsümünə yekun vurulub.
AZƏRTAC xəbər verir ki, final oyununda “Qəbələ” və “Keşlə” komandaları qarşılaşıblar. Oyunun əsas vaxtı 3:3 hesabı ilə başa çatıb. Əlavə vaxtda qapılara qol vurulmayıb və qalib penaltilər seriyasında müəyyənləşib. Zərbələri dəqiq yerinə yetirən “Keşlə” komandası (4:2) liqanın qalibi olub. Üçüncü yeri “Vətən” komandası tutub.
Oyun başa çatdıqdan sonra mükafatlandırma mərasimi təşkil olunub. Mükafatları AFFA-nın birinci vitse-prezidenti, Milli Məclisin deputatı Rauf Əliyev, baş katib Elxan Məmmədov, İcraiyyə Komitəsinin üzvü Vaqif Sadıqov təqdim ediblər.
U-10 Liqasının bombardiri Lorenzo Mezettero (“Neftçi”) olub. “Qəbələ”dən Ayxan Əmiraslanlı liqanın ən yaxşı futbolçusu, “Keşlə”dən Elbrus Kərimov ən yaxşı qapıçı seçilib. “Fair play” mükafatına isə “Keşlə”nin oyunçusu Tunar Rzayev layiq görülüb.
Bölmənin digər xəbərləri
