UEFA Avropa Liqası: “İnter” klubu “Şaxtyor”u məğlub edərək finala yüksəlib
Bakı, 18 avqust, Nicat Məmmədov, AZƏRTAC
Avqustun 17-də futbol üzrə UEFA Avropa Liqasının ikinci yarımfinal oyunu keçirilib.
AZƏRTAC xəbər verir ki, bu mərhələnin ikinci oyun günündə İtaliyanın “İnter” klubu Ukrayna təmsilçisi “Şaxtyor” ilə üz-üzə gəlib.
Düsseldorfdakı “Merkur Şpil-Arena” stadionunda baş tutan görüş İtaliya təmsilçisinin böyük hesablı qələbəsi ilə başa çatıb - 5:0.
“Neradzura”nın heyətində Lautaro Martines (19, 74), Danilo Dambrosio (64) və Romelu Lukaku (78, 84) fərqləniblər.
Bu qələbə sayəsində “İnter” UEFA Avropa Liqasının finalında oynamaq hüququ qazanıb.
Mərhələnin həlledici görüşündə “İnter” İspaniyanın “Sevilya” klubu ilə qarşılaşacaq.
Görüş avqustun 21-də Köln şəhərində təşkil olunacaq.
Qeyd edək ki, “Sevilya” bu mövsüm “Qarabağ” ilə eyni qrupda mübarizə aparıb.
Bölmənin digər xəbərləri
