UEFA Konfrans Liqasında qrup mərhələsinin püşkü atılıb
Bakı, 26 avqust, AZƏRTAC
Bu gün UEFA Konfrans Liqasında qrup mərhələsinin püşkü atılıb.
AZƏRTAC xəbər verir ki, Türkiyənin İstanbul şəhərində keçirilmiş püşkatma mərasimində səkkiz qrupun tərkibi müəyyənləşib.
Belə ki, A qrupunda “Başakşehir” (Türkiyə), “Fiorentina” (İtaliya), “Harts” (Şotlandiya), RFŞ (Latviya), B qrupunda “Vest Hem” (İngiltərə), “Styaua” (Rumıniya), “Anderlext” (Belçika), “Silkeborq” (Danimarka), C qrupunda “Vilyarreal” (İspaniya), “Hapoel” (Ber-Şeva, İsrail), “Austriya” (Vyana, Avstriya), “Lex” (Polşa), D qrupunda “Partizan” (Serbiya), “Köln” (Almaniya), “Nitsa” (Fransa), “Slovaçko” (Çexiya) komandaları yer alıblar. E qrupunda “AZ Alkmaar” (Niderland), “Apollon” (Limassol, Kipr), “Vaduts” (Lixtenşteyn), “Dnepr-1” (Ukrayna), F qrupunda “Gent” (Belçika), “Molde” (Norveç), “Şemrok Rovers” (İrlandiya), “Yurqorden” (İsveç), G qrupunda “Slaviya” (Praqa, Çexiya), ÇFR (Rumıniya), “Sivasspor” (Türkiyə), “Balkani” (Kosovo), H qrupunda isə “Bazel” (İsveçrə), “Slovan” (Bratislava, Slovakiya), “Jalgiris” (Litva) və “Pünik” (Ermənistan) klubları mübarizə aparacaqlar.
Qeyd edək ki, qrup mərhələsinin oyunları sentyabrın 8-də başlayacaq.
Bölmənin digər xəbərləri
