UKRAYNA DÖVLƏT MİQRASİYA KOMİTƏSİ SƏDRİNİN BƏYANATI
AZƏRTAC-ın Ukrinformdan aldığı xəbərdə deyilir ki, Ukrayna Millətlərin İşləri və Miqrasiya Komitəsinin sədri Gennadi Moskal çeçen qaçqınlarının qəbulu üçün Ukrayna ərazisində vahid mərkəz yaradılması barədə Estoniya, Latviya, Litva və Avstriya daxili işlər nazirlərinin sentyabrın 15-də Vyanada görüşü zamani irəli sürdükləri təklifi cəfəngiyat adlandırmışdır.
O demişdir: “Bu, cəfəngiyatdır. Çünki heç bir dövlətin başqa ölkəyə harada və hansı məntəqələri tikmək, orada kimləri qəbul etmək hökmü verməyə haqqı yoxdur”. G.Moskal bildirmişdir ki, “bu cür məsələlər digər ölkələrin daxili işlər nazirləri tərəfindən deyil, ancaq hökumət səviyyəsində həll olunur”.
Dövlət Komitəsinin sədri həmin ideyanın təşəbbüsçülərinin onu həyata keçirmək üçün öz ölkələrindən birini deyil, məhz Ukraynanı seçməsindən təəccübləndiyini söyləmişdir.
Bölmənin digər xəbərləri
