Ukrayna genişmiqyaslı müharibə nəticəsində təxminən 10 milyon insan itirə bilər
Kiyev, 3 dekabr, AZƏRTAC
Ukrayna genişmiqyaslı müharibə nəticəsində təxminən 10 milyon insan itirə bilər. Bu, getdikcə daha çox danışılan eyni “demoqrafik uçurum”dur.
AZƏRTAC xəbər verir ki, bunu “RBC-Ukrayna”ya müsahibəsində Ukrayna Milli Elmlər Akademiyasının Demoqrafiya və Sosial Tədqiqatlar İnstitutunun direktoru Ella Libanova söyləyib. O qeyd edib ki, bu rəqəmə təkcə itkilər deyil, həm də kütləvi mühacirət, əlavə ölüm halları, doğum səviyyəsinin aşağı düşməsi, müharibə ilə bağlı doğulmamış uşaqlar daxildir. Libanova qeyd edir ki, ukraynalıların bir hissəsi qayıda bilər, lakin əhəmiyyətli qayıdış gözləmək üçün heç bir əsas yoxdur. Onun sözlərinə görə, doğum nisbətinin kəskin azalması xüsusilə problemlidir. Əgər 2021-ci ildə Ukraynada bir qadına 2,1 uşaq düşürdüsə, institutun hesablamalarına görə, bu rəqəm cəmi 0,7 təşkil edir. Müharibədən sonra doğum səviyyəsi tədricən 1,6-ya yüksələ bilər, lakin bu, gözlənilən maksimumdur.
Libanova xatırladır ki, nəsillərin çoxalması üçün hər qadına 2,15 uşaq lazımdır. Bu gün Ukrayna Cənubi Koreya səviyyəsindədir, burada da yüksək yaşayış səviyyəsinə baxmayaraq, doğum səviyyəsi 0,7-yə düşüb.
Kiyev
Bölmənin digər xəbərləri
