Ukrayna ictimaiyyəti Milli Qurtuluş Günü barədə məlumatlandırılıb
Kiyev, 15 iyun, AZƏRTAC
1993-cü ilin ortalarında Azərbaycanda hakimiyyət və siyasi böhran hökm sürürdü. Xalqın tələbi ilə ümummilli lider Heydər Əliyev yenidən hakimiyyətə qayıtdı və müasir Azərbaycan dövləti gələcəyə baxan qüdrətli ölkəyə çevrildi.
AZƏRTAC xəbər verir ki, bu fikirləri Azərbaycanın Ukraynadakı səfiri Azər Xudiyev “Pryamiy” və “Rada” telekanallarına 15 İyun - Milli Qurtuluş Günü ilə bağlı verdiyi müsahibədə söyləyib.
Səfir vurğulayıb ki, Azərbaycan xalqının azadlığının, müstəqil dövlətçiliyinin müqəddəratının həll edildiyi ən ağır günlərdə Heydər Əliyevin ölkə rəhbərliyinə qayıtması əslində onun müstəqil Azərbaycan dövlətini məhv olmaqdan xilas etmək üçün çətin və şərəfli missiyanı öz üzərinə götürməsi idi.
A.Xudiyev müsahibədə ümummilli lider Heydər Əliyevin həyat yolu və fəaliyyəti barədə geniş məlumat verib, Ermənistan-Azərbaycan, Dağlıq Qarabağ münaqişəsinə toxunub.
Qeyd edək ki, hər iki telekanalda Azərbaycan və Ukrayna televiziyalarının birgə istehsalı olan “Heydər Əliyev iki əsrin fenomeni” sənədli filmi nümayiş etdirilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
