Ukrayna şahmatçısı “Women's Speed Chess Championship” turnirinin qalibi olub
Bakı, 21 iyul, AZƏRTAC
İyulun 20-də sürətli şahmat üzrə onlayn “Women's Speed Chess Championship” yarışının super final qarşılaşması keçirilib.
AZƏRTAC xəbər verir ki, həlledici oyunda Ukrayna şahmatçısı Anna Uşenina Rusiya təmsilçisi Aleksandra Kostenyuku 14,5:13,5 hesabı ilə məğlub edərək yarışın qalibi olub.
Qeyd edək ki, 21 şahmatçının iştirak etdiyi turnir 4 Qran-Pri mərhələsindən ibarət olub və ən çox xal toplayan şahmatçılar super finala vəsiqə əldə ediblər. Belə ki, A.Kostenyuk 24 xal, A.Uşenina isə 22 xalla həlledici oyunda iştirak hüququ qazanıblar. Rusiyanın daha bir təmsilçisi Valentina Qunina da 22 xal toplamasına baxmayaraq ukraynalı şahmatçı əlavə göstəricilərə görə finala çıxıb.
Azərbaycan şahmatçısı Günay Məmmədzadə Qran-Prinin ilk üç mərhələsində iştirak etsə də, çıxışı uğurlu olmayıb.
Bölmənin digər xəbərləri
