Ukrayna və Belarus arasında əməkdaşlığın yeni mərhələsinə start verilir
Kiyev, 2 oktyabr, AZƏRTAC
Ukrayna və Belarus arasında əməkdaşlığın yeni mərhələsinə start verilir.
AZƏRTAC Ukrayna Prezidenti Ofisinə istinadla xəbər verir ki, oktyabrın 4-də Jitomir şəhərində Ukrayna və Belarus regionlarının forumu keçiriləcək. Prezidentlər Vladimir Zelenski və Aleksandr Lukaşenkonun iştirak edəcəkləri forumda iki ölkə arasında əməkdaşlığa dair yeni sazişlər imzalanacaq.
Vladimir Zelenski bəyan edib ki, Ukrayna üçün Belarusla münasibətlərin möhkəmləndirilməsi prioritet məsələdir. Ona görə də Belarusla konstruktiv siyasi dialoq davam etdirilməlidir.
Xatırladaq ki, bu, Zelenskinin prezidentliyi dövründə Lukaşenko ilə ilk görüşü olacaq.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
