UKRAYNA VƏ İRAQ ƏMƏKDAŞLIĞA DAİR HÖKUMƏTLƏRARASI KOMİSSİYANIN İŞİNİ BƏRPA ETMƏK BARƏDƏ RAZILIĞA GƏLMİŞLƏR
Bunu sentyabrın 2-də Bağdadda görüş başa çatdıqdan sonra jurnalistlərə Ukraynanın və İraqın hökumət başçıları - Viktor Yanukoviç və Əyyad Əllavi bildirmişlər.
Ukraynanın Baş naziri demişdir: “Biz belə bir razılığa gəldik ki, bu məsələni həll etmək üçün İraq hökumətinin nümayəndə heyəti bu il sentyabrın ortalarında Kiyevə səfərə gələcəkdir”.
Ukrayna hökumətinin mətbuat xidmətindən bildirmişlər ki, Kiyev görüşündə bir sıra sənədlər imzalanacaq, habelə problem məsələlərin və İraqda həyatın bərpası məsələlərinin həllinin ardıcıllığı qaydası işlənib hazırlanacaqdır.
Yanukoviç qeyd etmişdir ki, Ukrayna İraqda müxtəlif infrastruktur obyektlərinin, o cümlədən hava limanlarının bərpasına cəlb olunmasını istəyir, iqtisadiyyatın neft-qaz, elektrik enerjisi, nəqliyyat sahələrində, habelə səhiyyə və təhsil sahələrində bu ölkə ilə əməkdaşlıq etməyə maraq göstərir.
Bölmənin digər xəbərləri
