Ukrayna yığmasının baş məşqçisi: Azərbaycan millisinə qarşı səfərdə oynamaq çətin olacaq
Bakı,13 dekabr, AZƏRTAC
“Xatırladığım qədər Azərbaycan millisi ilə heç vaxt oynamamışıq”.
AZƏRTAC xəbər verir ki, bu sözləri Ukrayna millisinin baş məşqçisi Sergey Rebrov 2026-cı il dünya çempionatının Avropa zonası üzrə seçmə mərhələsinin püşkatmasının nəticəsini dəyərləndirərkən deyib.
O, Azərbaycan millisinin bir çox matçını izlədiyini bildirib: “Futbolçu kimi bu komandaya qarşı oynamamışam. Amma məlumatlıyam. İstənilən rəqiblə matçlara ciddi hazırlaşacağıq. İlk növbədə öz çıxışımıza baxmaq daha vacibdir. İslandiyada oynamaq çox çətin olacaq, çünki bu komanda evdə çox yaxşı təsir bağışlayır. Eyni şey Azərbaycan və Fransa yığmalarına da aiddir”.
Qeyd edək ki, Azərbaycan millisi D qrupunda Ukrayna ilə yanaşı, Fransa/Xorvatiya cütünün qalibi və İslandiya ilə də mübarizə aparacaq.
Bölmənin digər xəbərləri
