Ukraynada azad olunmuş şəxslər Moskvaya çatıblar
Moskva, 7 sentyabr, AZƏRTAC
Moskva ilə Kiyev arasında razılaşma çərçivəsində Ukraynada azad olunmuş şəxsləri gətirən təyyarə Moskvaya eniş edib.
AZƏRTAC xəbər verir ki, Ukraynadan Rusiyaya 33 nəfər gəlib. Onların arasında RİA Novosti Ukrayna portalının rəhbəri Kiril Vışinski də var.
Xatırladaq ki, bir neçə gün əvvəl Rusiya Prezidenti Vladimir Putin saxlanılan şəxslərin dəyişdirilməsini iki ölkə arasında münasibətlərin sabitləşməsinə doğru atılacaq yaxşı addım adlandırıb, dəyişdirilmə prosesinin miqyaslı xarakter daşıyacağını vurğulayıb. V.Putin, həmçinin qeyd edib ki, Rusiya ilə Ukrayna arasında münasibətlərin tam normallaşması qaçılmazdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
