Ukraynada helikopter qəzaya uğrayıb, 4 nəfər ölüb
Kiyev, 25 yanvar, AZƏRTAC
Bu gün axşam saatlarında Ukraynanın Kremençuk şəhəri yaxınlığında Mi-8 helikopteri qəzaya uğrayıb. Qəza nəticəsində 4 nəfər ölüb.
AZƏRTAC Ukrayna yerli mətbuatına istinadla bildirir ki, bu barədə Poltava vilayətinin Fövqəladə Hallar üzrə Dövlət Xidmətinin mətbuat katibi Svetlana Rıbalko məlumat verib.
O bildirib ki, özəl aviaşirkətə məxsus helikopterdəki insanların hamısı həlak olub.
Hüquq mühafizə orqanları hadisə yerində araşdırma aparır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
