Ukraynada koronavirusa yoluxanların sayı 100 mini keçib
Kiyev, 21 avqust, AZƏRTAC
Avqustun 21-nə olan məlumata görə, Ukraynada koronavirusa yoluxanların sayı 100 mini aşıb. Xarkov, Lvov, İvano-Frankovsk vilayətlərində və Kiyevdə daha mürəkkəb epidemioloji vəziyyət yaranıb.
AZƏRTAC xəbər verir ki, bu məlumatlar Ukrayna Milli Təhlükəsizlik və Müdafiə Şurasının xəritəsində göstərilib.
Ölkədə 51 mindən çox şəxsin koronavirusdan sağalması və koronavirusa yoluxma nəticəsində 2100-dən çox ölüm halı qeydə alınıb. Dünən Ukraynada koronavirusa yoluxma hallarının sayı ilk dəfə olaraq 2 mini keçib. Ukrayna Milli Təhlükəsizlik və Müdafiə Şurasından verilən məlumata görə, dünən koronavirus xəstələrindən 637 nəfəri sağalıb və 23 nəfəri vəfat edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
