Ukraynada koronavirusa yoluxanların sayı 93 minə yaxınlaşıb
Kiyev, 17 avqust, AZƏRTAC
Ukraynada son sutkada koronavirusa yoluxma hallarında vəziyyət gərgin olaraq qalır.
AZƏRTAC Ukrayna Səhiyyə Nazirliyinə istinadla xəbər verir ki, bu ölkədə son sutkada 1464 nəfər koronavirusa yoluxub, 21 nəfər isə dünyasını dəyişib.
Ən çox yoluxma İvano-Frankovsk, Çerniqov və Lvov vilayətlərində qeydə alınıb. Bununla da ölkədə koronavirusa yoluxanların sayı 92 min 820 nəfərə çatıb. Virusdan ölənlərin ümumi sayı 2089 nəfərdir, 48 min 164 xəstə isə sağalaraq evə buraxılıb.
Qeyd edək ki, Ukraynada koronavirusla bağlı vəziyyət pisləşdiyindən karantin müddəti avqustun 31-dək uzadılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
