Ukraynada koronavirusdan ölənlərin sayı 21 min nəfəri ötüb
Kiyev, 20 yanvar, AZƏRTAC
Ukraynada son sutka ərzində 4383 nəfər COVID-19-a yoluxub, 2011 pasiyent xəstəxanalara yerləşdirilib, 212 nəfər isə bu xəstəlikdən vəfat edib.
AZƏRTAC xəbər verir ki, bu barədə ölkənin səhiyyə naziri Maksim Stepanov bildirib.
Yanvarın 19-na olan vəziyyətə görə, Ukraynada 1 milyon 172 min 38 yoluxma faktı təsdiqlənib. Xəstələnənlərdən 900 min 749 nəfər müalicə olunaraq sağalıb. Pandemiya dövründə koronavirusdan ölənlərin sayı 21 min 258 nəfərə çatıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
