Ukraynada son sutkada koronavirusa yoluxma hallarında yeni antirekord: 1967 fakt
Kiyev, 19 avqust, AZƏRTAC
Ukraynada son sutkada koronavirusa yoluxma hallarında yeni antirekord qeydə alınıb.
AZƏRTAC Ukrayna Səhiyyə Nazirliyinə istinadla xəbər verir ki, bu ölkədə son sutkada 1967 nəfər koronavirusa yoluxub, 28 nəfər isə dünyasını dəyişib. Virusa yoluxma ilə bağlı son antirekord avqustun 15-i qeydə alınmışdı -1847 fakt.
Ən çox yoluxma Kiyev, Xarkov, İvano-Frankovsk və Lvov vilayətlərində qeydə alınıb. Bununla da ölkədə koronavirusa yoluxanların sayı 96 min 403 nəfərə çatıb. Virusdan ölənlərin ümumi sayı 2144 nəfərdir, 49 min 737 xəstə isə sağalaraq evə buraxılıb.
Qeyd edək ki, Ukraynada koronavirusla bağlı vəziyyət pisləşdiyindən karantin müddəti avqustun 31-dək uzadılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
