Ukraynanın Avropa Birliyi ölkələri ilə ticarət dövriyyəsi artıb
Kiyev, 6 sentyabr, AZƏRTAC
Bu ilin yanvar-avqust aylarında Ukraynanın Avropa Birliyi ölkələri ilə ticarət dövriyyəsi 30,083 milyard dollar olub ki, bu da ötən ilin müvafiq dövrü ilə müqayisədə 6 faiz çoxdur.
AZƏRTAC yerli mətbuata istinadla xəbər verir ki, bu barədə Dövlət Vergi Xidmətinin statistikasında qeyd edilib.
Ukrayna məhsullarının AB ölkələrinə ixracı 7 faiz artaraq 13,982 milyard, idxalı isə 4 faiz artaraq 16,101 milyard dollar təşkil edib.
Hesabat dövründə Ukraynanın MDB ölkələri ilə ticarət dövriyyəsi isə 4 faiz azalıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
