Ulu öndər Heydər Əliyev böyük xilaskarlığın tarixi nümunəsini göstərmişdir
Naxçıvan, 12 iyun (AZƏRTAC). Məmməd Səid Ordubadi adına Naxçıvan Muxtar Respublika (MR) Kitabxanasında 15 İyun - Milli Qurtuluş Gününə həsr edilmiş “Qurtuluşdan intibaha” mövzusunda konfrans keçirilmişdir.
AZƏRTAC xəbər verir ki, konfransı açan kitabxananın direktoru, tarix üzrə fəlsəfə doktoru Aytəkin Qəhrəmanova Azərbaycanı bəlalardan xilas edən ümummilli lider Heydər Əliyevin siyasi fəaliyyətindən danışmışdır.
Tədbirdə kitabxananın şöbə müdiri Nailə Əsədovanın “Böyük xilaskarlığın tarixi nümunəsi” mövzusunda məruzəsi dinlənilmişdir.
Bildirilmişdir ki, Azərbaycan xalqının ümummilli lideri Heydər Əliyevin Vətənə xidmət missiyası onun genişmiqyaslı fəaliyyətində əsaslı yerlərdən birini tutur. 1969-cu ildə xalqımızın böyük oğlu Heydər Əliyev hakimiyyətə gəldikdən sonra ölkəmizi durğunluqdan, ətalətdən, gerilikdən xilas etmiş, respublikamızı əsl inkişaf yoluna çıxarmışdır.
Qeyd edilmişdir ki, Azərbaycan Respublikası Ali Sovetinin 1993-cü il iyunun 15-də keçirilən fövqəladə sessiyasında dünya şöhrətli siyasi və dövlət xadimi Heydər Əliyev Ali Sovetin sədri seçilmişdir. Həmin tarixi gündən etibarən Ulu Öndər Azərbaycanın qurtuluşu naminə xilaskarlıq missiyasına başlamışdır.
Konfransda kitabxananın əməkdaşları Minayə Nəbisoyun və Sevda Rzayevanın da çıxışları dinlənilmişdir.
Bölmənin digər xəbərləri
