“UNİBANK” SƏKKİZ AYA YEKUN VURMUŞDUR
AZƏRTAC xəbər verir ki, “Unibank” 2008-ci ilin səkkiz ayı üçün maliyyə göstəricilərinə yekun vurmuşdur.
Bu dövrdə bankın aktivləri ötən ilin eyni dövrü ilə müqayisədə 67,9 faiz artaraq 494,401 milyon, kredit portfeli 84 faiz artaraq 360,338 milyon, cəlb edilmiş depozitlərin həcmi 30 faiz artaraq 134,765 milyon manat təşkil etmişdir.
Avqust ayının yekunlarına görə, bankın gəlirləri 52 984 min manat olmuşdur. Bu, 2007-ci ilin avqustundakından 108,5 faiz çoxdur.
