UŞAQ TEATRI MÖVSÜMÜ “ƏHMƏDİN YUXUSU” TAMAŞASI İLƏ AÇMIŞDIR
Bakı Uşaq Teatrının mətbuat xidmətindən AZƏRTAC-a bildirmişlər ki, kollektiv mövsümü sentyabrın 27-də “Əhmədin yuxusu” tamaşası ilə açmışdır. Mövsümə “Azərbaycan” devizi ilə başlayan teatrın göstərəcəyi tamaşalar ölkəmizə, gənc nəslin vətənpərvərlik ruhunda tərbiyəsinə həsr olunacaqdır.
“Padşah və xoruz” xalq nağılı əsasında rejissor Mehman Dilqəmoğlunun quruluşunda təqdim olunan tamaşada əsas rollarda Rəşad Bəxtiyarov, Könül Şahbazova, Mücahid Can, Ruslan Mürsəlov və başqaları iştirak etmişlər.
Hüseynqulu Sarabski adına Mədəniyyət Evinin səhnəsində göstərilən əsərin rəssamı Sevda Məmmədova, musiqi tərtibatçısı Mahir İbrahimdir.
Bölmənin digər xəbərləri
