UŞAQLAR ARASINDA KARATE ÜZRƏ RESPUBLİKA BİRİNCİLİYİ BAŞA ÇATMIŞDIR
AZƏRTAC xəbər verir ki, Maştağa Olimpiya İdman Kompleksində uşaqlar arasında karate üzrə XIII respublika birinciliyi başa çatmışdır. Birincilik “Narkomaniyaya və uşaq cinayətkarlığına qarşı mübarizə” devizi altında keçirilmişdir.
Üç yüzədək idmançının mübarizə apardığı yarışın yekunlarına əsasən, Tural Kamallı, Kənan Əliyev, Səid Quliyev, Tural Ələkbərli, Rüfət Musayev 11-15 yaşlı oğlanların kumite yarışlarında fəxri kürsünün ən yüksək pilləsinə qalxmışlar.
Kata yarışlarında isə Ağabəy Mirzəyev (11-13 yaş) və Musa Musayev (14-15 yaş) fərqlənmişlər.
Komanda kata yarışlarında “Qara Qaplan” klubu birinci yeri tutmuşdur. WKF növləri üzrə Milli Karate Federasiyasının komandası ikinci, Şəki idmançıları isə üçüncü olmuşlar.
Qızların mübarizəsində Fəridə Abiyeva 12-13 yaşlı, İlahə Qasımova isə 14-15 yaşlılar arasında qızıl medallara layiq gorülmüşlər. Fəridə Abiyeva kata yarışlarında da yüksək ustalıq nümayiş etdirərək ən yaxşı nəticə göstərmişdir.
Ümumi komanda hesabında WKF növləri üzrə Milli Karate Federasiyasının idmançıları 2 qızıl, 3 gümüş və 7 bürünc medalla birinci yeri tutmuşlar.
Bölmənin digər xəbərləri
