ÜST Hindistan istehsalı olan öskürək əleyhinə siroplarla bağlı xəbərdarlıq edib
Bakı, 14 oktyabr, AZƏRTAC
Ümumdünya Səhiyyə Təşkilatı (ÜST) bazar ertəsi Hindistanda istehsal olunan üç təhlükəli öskürək siropu ilə bağlı xəbərdarlıq edərək, səlahiyyətliləri bu dərmanların öz ölkələrində aşkarlanması barədə məlumat verməyə çağırıb.
AZƏRTAC “Reuters” agentliyinə istinadla xəbər verir ki, ÜST dərmanların “Sresan Pharmaceutical”, “Coldrif”, “Rednex Pharmaceuticals Respifresh TR” və “Shape Pharma” əczaçılıq şirkətlərinin xüsusi partiyalarına aid olduğunu müəyyən edib.
ÜST keyfiyyətsiz məhsulların əhəmiyyətli sağlamlıq riski yaratdığını və ciddi, potensial həyati təhlükəsi olan xəstəliklərə səbəb ola biləcəyini açıqlayıb.
Siropları Madhya-Pradeş ştatının mərkəzi əyalətindəki Çhindvara rayonunda bu yaxınlarda vəfat edən beş yaşından kiçik uşaqlar istehlak ediblər.
Öskürək dərmanının tərkibində icazə verilən həddən təxminən 500 dəfə yüksək olan zəhərli dietilen qlikol maddəsi olub.
Bölmənin digər xəbərləri
