Vakant vəzifələrin tutulması üçün müsahibədə indiyədək 38 namizəd uğur qazanıb
Bakı, 4 aprel, AZƏRTAC
Ümumilikdə 35 dövlət orqanında 623 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən yanvarın 13-də elan olunmuş müsabiqə üzrə müsahibə davam edir.
AZƏRTAC DİM-in aprelin 4-ü saat 15:30-a olan göstəricilərinə əsasən xəbər verir ki, müsahibədə indiyədək 38 nəfər uğur qazanıb. Onlardan 10-u Kənd Təsərrüfatı Nazirliyində, 9-u Bakı Ağır Cinayətlər Məhkəməsində, 10-u Energetika Nazirliyində, 9-u isə Əmək və Əhalinin Sosial Müdafiəsi Nazirliyində müxtəlif vəzifələrə uyğun bilinib.
Xatırladaq ki, müsahibədə iştirak etmək üçün 2709 nəfər sənəd verib. Müsahibə iyulun 27-də başa çatacaq.
Bölmənin digər xəbərləri
