VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Binəqədi Rayon Polis İdarəsinin əməkdaşları Elnur Məmmədovdan 0,238 qram, Nərimanov Rayon Polis İdarəsi 18-ci bölməsinin əməkdaşları isə Səbuhi Hüseynovdan 0,296 qram heroin aşkar edərək götürmüşlər.
Nizami Rayon Polis İdarəsinin və Ədliyyə Nazirliyi Penitensiar Xidmətinin əməkdaşları Məzahir Əhmədovdan 0,694 qram, Lənkəran Şəhər Polis Şöbəsinin əməkdaşları Müzəffər Hümbətovdan 0,527 qram heroin və 0,249 qram tiryək, Bərdə Rayon Polis Şöbəsinin əməkdaşları əvvəllər məhkum olunmuş Mirxaliq Novruzovdan 1,5 qram, Şirvan Şəhər Polis Şöbəsinin əməkdaşları əvvəllər məhkum olunmuş Mansur Nağıyevdən 0,232 qram heroin müsadirə etmişlər.
Gədəbəy rayonu ərazisində 0,04 hektar sahədə yabanı halda bitmiş, çəkisi 609 kiloqram olan 1350 ədəd çətənə kolu rayon polis şöbəsinin əməkdaşları tərəfindən yığılaraq məhv edilmişdir.
Faktlarla bağlı araşdırmalar aparılır.
Bölmənin digər xəbərləri
