“VETERANLAR HAQQINDA” QANUNA DƏYİŞİKLİKLƏR EDİLƏCƏKDİR
Komissiyanın sədri Hadi Rəcəbli demişdir ki, Azərbaycan Prezidentinin qanunvericilik təşəbbüsü ilə “Veteranlar haqqında” Qanuna təklif olunan əlavələr və dəyişikliklər müharibə və əmək veteranlarının hüquqlarının, sosial müdafiəsinin gücləndirilməsinə xidmət edir.
Digər qanun layihəsi isə bədxassəli törəmələrdən əziyyət çəkən şəxslərə ixtisaslaşdırılmış tibbi və sosial yardımın göstərilməsinin hüquqi əsaslarını müəyyən edir. Bu sənəddə əsas anlayışlarla yanaşı, onkoloji xəstəliklərə qarşı müalicə-profilaktika tədbirləri və onların həyata keçirilməsi prinsipləri, qanunun tətbiq sahəsi, bədxassəli törəmələrdən əziyyət çəkən şəxslərə dövlət təminatlı yardımların növləri, bu cür xəstələrin hüquqları və digər müddəalar əksini tapmışdır.
Deputatlar hər iki sənədin əhəmiyyətindən danışmış, layihələrin təsdiqlənmək üçün Milli Məclisin müzakirəsinə çıxarılması barədə qərar qəbul etmişlər.
Bölmənin digər xəbərləri
