Vladimir Putin Rəcəb Tayyib Ərdoğanı 70 illiyi münasibətilə təbrik edib
Moskva, 26 fevral, AZƏRTAC
Rusiya Prezidenti Vladimir Putin türkiyəli həmkarı Rəcəb Tayyib Ərdoğanı 70 illiyi münasibətilə təbrik edib.
AZƏRTAC xəbər verir ki, bu barədə Kremlin mətbuat xidməti məlumat yayıb.
Kremlin məlumatında deyilir: “Telefon danışığı zamanı Vladimir Putin Türkiyə Respublikasının Prezidenti Rəcəb Tayyib Ərdoğanı 70 illik yubileyi münasibətilə səmimi- qəlbdən təbrik edib, onun ölkəsində və xaricdə yüksək nüfuzunu, türk xalqının rifahı naminə uzun illər dövləti fəaliyyətini, xüsusilə də Türkiyənin beynəlxalq arenada mövqelərinin möhkəmlənməsində xidmətlərini qeyd edib.
Putin Rəcəb Tayyib Ərdoğanın Rusiya-Türkiyə dostluq münasibətlərinin inkişafına mühüm şəxsi töhfəsini vurğulayıb. Onların daha da hərtərəfli inkişafına qarşılıqlı niyyət təsdiqlənib. Müxtəlif səviyyələrdə təmasların davam etdirilməsinə dair razılıq əldə olunub”.
Moskva
Bölmənin digər xəbərləri
