Vyanada təyyarə qəzası qurbanlarının xatirəsi anılır
Vyana, 26 dekabr, AZƏRTAC
“Azərbaycan Hava Yolları”nın Bakı–Qroznı reysini yerinə yetirən sərnişin təyyarəsinin qəzaya uğraması ilə əlaqədar elan olunmuş matəm günündə ölkəmizin Avstriyadakı səfirliyində dövlət bayrağı yarıyadək endirilib, eləcə də səfirlikdə xatirə kitabı açılıb.
AZƏRTAC xəbər verir ki, səfirlik Avstriyanın dövlət qurumlarına, həmçinin Vyanadakı beynəlxalq təşkilatlara və diplomatik nümayəndəliklərə nota göndərib. Həmçinin səfirliyin sosial şəbəkə hesablarında hadisə ilə əlaqədar paylaşım edilib, səfirliyin elektron poçt ünvanına çoxsaylı başsağlığı məktubları daxil olub.
Avstriyanın dövlət və hökumət nümayəndələri, parlamentarilər, diplomatik nümayəndəliklərin təmsilçiləri Azərbaycan səfirliyinə gələrək başsağlığı verir, xatirə kitabına ürək sözlərini yazırlar.
Bölmənin digər xəbərləri
