Xaçmaz rayon sakininə ağır xəsarətlər yetirən şəxs cinayət məsuliyyətinə cəlb olunub
Bakı, 30 yanvar, AZƏRTAC
Yanvarın 29-da Quba Rayon Polis Şöbəsinə Xaçmaz rayon sakini Ş.Arginiskinin qapalı kəllə-beyin və kəsilmiş-deşilmiş xəsarətlə xəstəxanaya gətirilməsi barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, dərhal polis əməkdaşları tərəfindən müvafiq tədbirlər görülüb. Araşdırmalarla hadisənin həmin gün saat 19 radələrində rayonun Gültəpə kəndi ərazisində Xaçmaz şəhər sakini X.Aydınov tərəfindən törədildiyi müəyyən edilib.
Qəsdən sağlamlığa ağır zərər vurmaqda şübhəli bilinən X.Aydınov əməliyyat-axtarış tədbirləri nəticəsində polis əməkdaşları tərəfindən saxlanılıb.
Faktla bağlı Quba Rayon Polis Şöbəsində araşdırma aparılır.
Bölmənin digər xəbərləri
