Xalqımız bu imtahandan şərəflə və ləyaqətlə çıxmışdır
Bakı, 20 yanvar (AZƏRTAC). 20 Yanvar hadisələri keçmiş Sovet imperiyasının azsaylı xalqlara qarşı təcavüzünün bir nümunəsi idi.
Bu sözləri yanvarın 20-də Şəhidlər xiyabanını ziyarət edən Azərbaycan Təhsil İşçiləri Azad Həmkarlar İttifaqı Səbail Rayon Komitəsinin sədri Mükafat Abbasov AZƏRTAC-a müsahibəsində demişdir.
Bildirmişdir ki, xalqımız bu imtahandan şərəflə, ləyaqətlə çıxmış, öz azadlığını qorumuşdur. Şəhidlərimizin Azərbaycanın suverenliyi, müstəqilliyi, azadlığı, firavan gələcəyi uğrunda tökülən qanları hədər getməmişdir. Hər birimiz Şəhidlər xiyabanına gedərkən içimizdə xəfif titrəyiş hiss edirik. İllər keçəcək, nəsillər dəyişəcək, lakin Vətən oğullarının xatirəsi ürəklərdə əbədi yaşayacaqdır.
Bölmənin digər xəbərləri
