Xəbərdarlıq: Dekabrın 3-dən 7-dək ölkə ərazisində hava qeyri-sabit olacaq
Bakı, 1 dekabr, AZƏRTAC
Dekabrın 2-də gözlənilən qısa fasilədən sonra dekabrın 3-dən 7-dək Bakıda və Abşeron yarımadasında fasilələrlə yağış yağacağı gözlənilir. Yarımadanın bəzi ərazilərində intensivləşəcəyi ehtimalı var. Şimal-şərq küləyi əsəcək, arabir 15-17 metr/saniyəyədək güclənəcək. Havanın temperaturunun 2-3° enərək 5-8° isti olacağı ehtimal edilir.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, ölkə ərazisində hava şəraitinin qeyri-sabit keçəcəyi, bəzi yerlərdə yağış, dağlıq ərazilərdə qar yağacağı, ayrı-ayrı yerlərdə intensiv olacağı proqnozlaşdırılır. Şimal-şərq küləyi əsəcək, arabir 15-17 metr/saniyəyədək güclənəcək. Havanın temperaturunun 2-3° enərək, aran rayonlarında 7-12° isti, dağlıq rayonlarda 0-5° şaxta olacağı bildirilir.
Çaylarda sululuğun artacağı ehtimal edilir.
Bölmənin digər xəbərləri
