Xəzər dənizi sahili ərazilərində təmizlik aksiyası keçirilib
ARDNŞ-in mətbuat xidmətindən AZƏRTAC-a bildiriblər ki, tədbir zamanı iştirakçılara Dünya Dəniz Gününün mahiyyəti barədə ətraflı məlumat verilib, Xəzərin sahilboyu ərazilərində təmizlik işləri aparılıb. Yığılan zibil çeşidlənərək qablaşdırılıb və ərazidən kənarlaşdırılıb.
BMT-nin qərarı ilə 1978-ci ildən qeyd olunan Dünya Dəniz Gününün məqsədi cəmiyyətin, dövlətin və özəl sektorun diqqətini dənizin və onun bioresurslarının qorunmasına yönəltməkdir. Ənənəyə uyğun olaraq hər il sentyabrın son həftəsi respublikamızda “Xəzər həftəsi” elan edilir. Həftə ərzində müxtəlif tədbirlər həyata keçirilir, ətraf mühitin mühafizəsi ilə bağlı ictimaiyyət arasında təbliğat işləri aparılır.
Bölmənin digər xəbərləri
