Xəzər dənizinin mühafizəsində gənc nəslin rolu müzakirə edilib
Nazirliyin mətbuat xidmətindən AZƏRTAC-a verilən məlumata görə, “Orxus” İctimai Ekoloji İnformasiya Mərkəzində keçirilən tədbir gənclərin və yeniyetmələrin ətraf mühit sahəsində bilik və bacarıqlarının artırılması məqsədi daşıyıb.
Gənclər və orta məktəb şagirdləri ilə yanaşı, ictimaiyyət nümayəndələrinin də iştirak etdiyi görüşdə Beynəlxalq Dəniz Gününün məqsədi, Xəzərin ekoloji problemlərinin həlli istiqamətində dövlətin həyata keçirdiyi uğurlu siyasət, qarşıda duran vəzifələr barədə məlumat verilib.
Tədbir iştirakçılarına, eyni zamanda, ətraf mühit və təbii sərvətlərin qorunmasında ekoloji maarifləndirmənin rolu, su ehtiyatlarının idarə olunması, iqlim dəyişmələri, yaşıl iqtisadiyyat və davamlı inkişaf və s. mövzularda geniş informasiya verilib və onların sualları cavablandırılıb.
“Dəyirmi masa”da ətraf mühit sahəsində mövcud problemlərin aradan qaldırılması məqsədi ilə qarşılıqlı əməkdaşlığın gücləndirilməsinin zəruriliyi bildirilib. Dövlət orqanları ilə yanaşı, qeyri-hökumət təşkilatlarının və ictimaiyyətin bu sahədə birgə fəaliyyətinin vacibliyi vurğulanıb.
Bölmənin digər xəbərləri
